Навигација
Регионални центри
Анкета
Несреќи и катастрофи
RSS
| Средба на директорот Јакимовски со претставникот на УНИЦЕФ во Македонија |
 |
 |
 |
|
 Директорот на Центарот за управување со кризи, Тони Јакимовски и неговите соработници остварија средба со претставникот на УНИЦЕФ во Република Македонија, Шелдон Јет. На средбата стана збор за можноста од користење на одредена опрема со која располага УНИЦЕФ во случај на предизвикани несреќи и кризни состојби. Имено, кај УНИЦЕФ постои расположение оваа опрема да се стави на располагање на соодветни институции од системот за управување со кризи, а Центарот за управување со кризи ја прифати улогата да координира со постапката на нејзината распределба. Станува збор за теренска опрема за снабдување со вода за пиење во услови кога се загрозени или оштетени редовните системи за снабдување со вода за пиење, средства за хлоризација и бактериолошко-хемиско третирање на загадена вода, санитарни материјали и средства и прирачни сетови за мала и неопходна медицинска помош. На средбата се разговараше и за можноста за покренување на една поширока заедничка активност, која се однесува на пилот програма за процена на сеизмичката ранливост на училиштата како објекти. Центарот за управување со кризи врз основа на законските надлежности би ја обезбедил целосната координација и комуникација со државните и локалните институции и со релевантните високо-научни и други експертски институции од оваа област. Резултатите од една ваква активност би биле одлична основа за изработка на соодветни планови и програми од страна на надлежните централни и локални власти, со крајна цел обезбедување на побезбедни училишта за децата.
|
Последни новости
Посетители
Има 46 гости присутни
Посетители досега: : 192379
