ПРИЕМ НА ПОВИЦИ ЗА ИТНОСТ ОД ГРАЃАНИТЕ ПРЕКУ СРЕДСТВА ЗА ЈАВНА КОМУНИКАЦИЈА

• Системот Е-112 ќе ги прима сите видови на повици од секоја локација во Македонија ;

• Сите оператори на јавните телефонски мрежи се обврзани да обезбедат корисниците на јавните телефонски услуги, вклучително и на јавните телефонски говорници, да можат бесплатно да ги бираат броевите на службите за итни повици ;

• Операторите на јавните телекомуникациски мрежи не смеат да го ограничат пристапот и користењето на броевите на службите за итни повици ;

• Системот Е-112 ќе врши прием на повици од сите постојни фиксни и мобилни телекомуникациски мрежи ;

• Системот Е-112 ќе биде достапен и од мобилни телефони без SIM картичка и од телефонски говорници за итност ;

• Системот Е-112 треба да биде проектиран на тој начин што ќе овозможи прием на сите видови електронски повици од возилата ( e -call и AVLS -систем за автоматско лоцирање на возила во случај на сообраќајна несреќа ) ;

• Системот Е-112 треба да биде проектиран на тој начин што ќе овозможи еднаков пристап кон бројот Е-112 и употреба на средства за комуникација за лицата со посебни потреби ;

• Снимањето на комуникациите и придружните податоци за пренос е дозволено во рамките на службата Е-112 заради нивна евиденција, идентификација и постапување ;

• Операторите кои обезбедуваат пристап до јавната комуникациска мрежа и користење на јавни комуникациски услуги треба да превземат мерки со кои се обезбедува непречен пристап и користење на бројот Е-112 во случај на елементарна непогода ;

• Сите повици од територијата која ја опфаќа еден регионален центар Е112 треба да бидат рутирани кон тој центар од страна на јавните комуникациски оператори ;

• Во случај на нефункционирање на регионалниот центар повиците ќе се пренасочуваат кон другите центри за итни повици Е-112 од страна на јавните телекомуникациски оператори ;

• Секој од регионалените центри за итни повици Е-112 ќе биде поврзан со јавните комуникациски мрежи на начин кој ќе го задоволи во целост прифаќањето на сите итни повици ;

• Во зависност од определбите и интересите на јавните комуникациски оператори, системот 112 треба да има можност да обезбеди нивно непосредно поврзување со центрите Е-112 ;

• Операторите на јавните телекомуникациски мрежи кои нема директно (непосредно) да се поврзат со центрите за итни повици Е-112, поврзувањето ќе го направат преку интерконекција со некој од операторите кои ќе бидат директно поврзани со центрите за итни повици Е-112.

     Досегашните броеви за итни повици кон полицијата 192, кон противпожарните служби 193, кон итната медицинска помош 194 и кон Центарот за управување со кризи 195, ќе бидат заменети после одреден временски период на паралелно функционирање, со бројот 112. Граѓаните ќе помнат само еден број наместо досегашните четири. Со јавување кон 112 се известуваат за настанот и полицијата, и противпожарните служби, и итната медицинска помош. За лицата кои не ги зборуваат македонскиот и албанскиот јазик обезбедена е јазична поддршка на англиски, германски и други странски јаици. Со ова, секој турист, секој бизнисмен, секој странец ќе може да ги користи услугите на службите за итна помош со ист квалитет како во матичната земја.

    Во системот се предвидени три оперативни центри за прием на повици за итни настани, како и за координација на полицијата, итната медицинска помош, противпожарните сили и тимовите за заштита и спасување при постапување во случај на итни настани. Овие центри треба да бидат лоцирани во Скопје, Прилеп и Штип. Секој од нив ќе има можност да прима повици од било која точка на територијата на Република Македонија и да ги координира активностите на службите за итна помош во регионот кој го покрива и на целата територија на Република Македонија, доколку има потреба од тоа.