Од ЈЗУ Центар за јавно здравје – Скопје известуваат дека примерокот од вода од П.С.Кадино, Меѓународен Аеродром Скопје Петровец-Скопје, хлорирана вода НЕ ОДГОВАРА на законските и стручни прописи на бактериолошката и физичко - хемиската анализа заради зголемен број на аеробни бактерии на 22 степени Целзиус.

Од ЦЈЗ Прилеп известуваат дека водата за пиење во реон под хотел Монтана и реон кај Црешово Топче во Крушево е бактериолошки неисправна. Според информација од ЈП „Комуна“ извршено е хлорирање и повторно се земени примероци на испитување и се очекуваат нови резултати. Исто така, од ЦЈЗ Прилеп известуваат дека водата за пиење во с.Сланско е со зголемена матнотија, водата во с.Пласница е со зголемени органски материи и бактериолошки неисправна, додека во с.Преглово - училиште има зголемена матнотија, зголемени органски материи и е бактериолошки неисправна.

Од МО-ГШ на АРМ известуваат дека на ден 16 и 17.12.2019 година во време од 09.00 до 15.00 часот,    на стрелиштето “Леково“ ке се реализира боево  гаѓање. Во горе наведеното време реонот на стрелиштето „Леково„ е забранета зона. За таа цел се забранува секакво движење на лица и стока во реонот на стрелиштето. Се предупредуваат сите лица кои по завршувањето на гаѓањето во реонот на стрелиштето доколку најдат неексплодирани зрна односно проектили, да не ги фаќаат и за тоа да ги известат органите на МВР и командата на гарниозонот во Прилеп.

Во текот на вчерашниот ден интервенирано е на пожар на отворен простор во атарот на с. Панчарево (опш. Пехчево). Зафатена е млада борова шума, нискостеблеста растенија и сува трева. Во гаснењето на пожарот интервенирале екипа на ШС-Равна река –Пехчево и лица од месното население. Со гаснење на пожарот ќе се продолжи и во денешниот ден.