На ден 04.07.2020 година околу 19:30 часот подрачјето на градот Битола беше зафатено со невреме во времетраење од 20 минути и наврната количина на дожд од 36 л/м2. Со невремето беа поплавени улици, дворови, подруми и приземни простории. Во 13:00 часот на ден 05.07.2020 година во ЕЛС – Битола беше оддржан кризен штаб со сите релевантни институции и јавни претпријатија. На состанокот донесен е заклучок да се формираат 10 интервентни екипи (5 од Водовод – Битола и 5 од ТППЕ – Битола), кои ќе интервенираат со пумпи во случаи каде што има потреба од испумпување на водата. ДЗС – Битола отстапила на користење 3 пумпи за црпење вода на ТППЕ – Битола. За сите повици во врска со поплави добиени на 195 и на другите телефонски броеви за итни повици известени се надлежните во ЈП „Нискоградба“ и ТППЕ Битола од каде интервентните екипи се испраќаат да интервенираат каде што има потреба.
Состојбата е нормализирана, а екипите на ЈП „Комуналец“ извршиле чистење и санирање на градските улици и други површини од остатоците после невремето.
РЦУК Битола во текот на денешниот ден ќе изготви список со податоци за местата каде што е интервенирано (испумпувано вода) кој ќе го достави до ЦЈЗ – Битола. Стручни екипи од ЦЈЗ – Битола ќе извршат увид на овие места и ќе проценат каде има потреба да се изврши дезинфекција.